Er sagan endalausa samsæri?

"Hin síðustu ár hefur verðbólga vaxið óðfluga og dýrtíð orðið svo mikil, að annars eins eru ekki dæmi. Veldur því margt, hart árferði innanlands og skortur á innlendri vöru, siglingateppa og litlar vörur í verzlunum og síðast en ekki síst stórkostlegt gengisfall, sem leitt hefur af sívaxandi skuldasöfnun danska rikisins og óhemju seðlaútgáfu.

Er dansk ríkið nú komið í greiðsluþrot, og hefur verið ákveðið að stofna þar nýjan banka, ríkisbanka, er skal innleysa hina gömlu seðla (kúrantdalina) með nýjum seðlum. Er ákveðið að menn fái aðeins 1/10 af nafnverði gömlu seðlanna i nýjum seðlum. Sem dæmi um vöruverð hér á landi síðastliðið haust má geta þess, að einn fjórðungur af smjöri var seldur á 6 ríkisdali, sauður kostaði 10 ríkisdali og kýr 60 rd. Nú hefur verðbólgan vaxið enn, og er enginn eins dals bankaseðill tekinn sunnanlands á meira en 5 fiska. Embættismenn og aðrir launamenn, sem ekki hafa annað en peningaseðla fyrir sig að bera, eru svo aðþrengdir, að þeim gengir fullörðugt að afla brýnustu lífsnauðsynja. Eru þess dæmi, að kaupmenn hafa neitað að selja matvælim hafi átt að gjalda með seðlum. 

Fregnir herma, að ráðstafanir ríkisstjórnarinnar um nýja mynt og verðfestingu hennar skuli ekki ná til Íslands óbreyttar. Myntskipti eiga að vísu að koma til framkvæmda hér, en ekki að fullu fyrr en eftir nokkurn tíma, þegar búið er að rannsaka ýmis skuldaskipti undanfarinna ára o. fl. Hinn 13. mai þ.á. var skipuð nefn manna til þess að kanna þessi mál og gera tillögur um þau" *

 

Alveg er þetta makalaust! þessa frétt má sjá í Öldinni sem leið, minnisverð tíðindi 1801-1860 og mun þetta vera frá árinum 1813. Og enn i dag heldur vitleysan áfram og lýðurinn prettaður áfram af bönkum og fjármálmönnum sem þeim stjórna.  Nota þeir til þess peninga og skuldbréfakerfi sem að mér virðist  vera til þess gert að skapa reglulegar kreppur til að mergsjúga almenning og safna völdum og auði i hendur nokkurra manna. Kerfði virðis vera mjög vel til þess falllið ef það er ekki bara hreinlega hugsað til þess í upphafi! Er þetta samsæri fjármálamanna gegn lýðnum gert i þeim tilgangi að treyst enn betur auðmagnið? Spyr sá sem ekki veit.

 

*Gils Guðmundsson, Öldin sem leið. Minnisverð tíðindi 1801-1860 bls. 53

Athugasemdir

[Gauti (IP-tala skráð) 27.11.2008 kl. 10:46]

Góð pæling bróðir, sýnir að það er ekkert nýtt undir sólinni og what comes around, goes around!! Hvort þetta er allt saman samsæri skal ég ósagt látið en það lyktar nú þannig!

Gott að vera blankur að eðlisfari og hafa ekki of miklar áhyggjur af þessu hehehe