Nafli alheimsins

26.10.2008 | 01:29

Ísland er nafli alheimsins um þessar mundir og aðalfréttaefni stærstu fréttastöðva heims síðust daga og vikur. það hlýtur að ylja hjörtum þjóðar sem lengi hefur verið þjökuð af minnimáttarkennd vegna smæðar sinnar og ætið vilja koma Íslandi á kortið einsog sagt er. Og ekki er annað að sjá og heyra en að við séu komin á kortið. Illt umtal er betra en ekker, amen.

En ekki eru allir landsmenn jafn kátir með þessa nyju frægð meðal útlendra og hefur nokkur hópur fólks safnast saman tvo undafarna laugardaga og mótmælt aðgerðum stjórnvalda. Og samkvæmt fréttum heyrði ég að um nokkur hundruð manns væri að ræða ( ca. 500 manns var haft eftir lögreglu laugardaginn 18.10 í fréttum Ruv). Merkileg talnaspeki þar á ferð, ég var þar og fullyrði að hafi aðeins verið 500 manns á umræddum mótmælafundum þá hljóti þjóðin að telja að minnsta kosti 2 milljónir auk þeirra 313.000 sem taldir eru í þjóðskrá. Hvaða hag sér ríkisfjölmiðill og lögregla í þvi að ljúga vísvitandi um fjölda þeirra sem mótmæla spilltum og vanhæfum stjórnvöldum? Ætli það séu sömu snillingar sem telja upp úr kjörkössum hér? Kallar þetta á erlenda eftirlitsmenn til að fylgjast með framkvæmd næstu kosninga hér og talningu atvkæðanna okkar? Eg get ekki séð hverjum er að treysta fyrir þessu batteríi okkar sem kallað er lýðræði þegar vísvitindi er logið og að þvi er virðist til þess að gera sem minnst úr öllu andófi gegn ríkjandi valdi.

En lífið er yndislegt og efnahagskreppan er óðum að losa þessa aumu og hræddu þjóð undan andlegri kreppu undafarinna ára. Lifi byltingin!

Flokkur: Bloggar | Facebook

Athugasemdir

Kæri Haukur! Ég hef tekið þátt í og fylgst með ýmsum mótmælaaðgerðum /demonstrasjónum sl. 50 ár og heyrt persónulegar lýsingar þátttakenda allt frá fjórða áratug síðustu aldar. Það var viðtekin venja lögreglu að deila með 3 - 5 í fjölda þátttakenda og og fjölmiðla í eigu valdhafa að gera sem minnst úr þeim, bæði fjölda þeirra og persónueiginleikum . Ekki má heldur gleyma að hér áður fyrr voru nöfn fólks skráð og það missti, eða var neitað um, vinnu og / eða fararleyfi til BNA allt eftir eðli mótmæla er það tók þátt í ! Af hverju lætur löggan svona ennþá? Það er von þú spyrjir. Ósjálfráð viðbrögð, eða greiðasemi við lögreglustjóra og dómsmálaráðherra? - nema hvorttveggja sé!