Er sagan endalausa samsæri?

"Hin síðustu ár hefur verðbólga vaxið óðfluga og dýrtíð orðið svo mikil, að annars eins eru ekki dæmi. Veldur því margt, hart árferði innanlands og skortur á innlendri vöru, siglingateppa og litlar vörur í verzlunum og síðast en ekki síst stórkostlegt gengisfall, sem leitt hefur af sívaxandi skuldasöfnun danska rikisins og óhemju seðlaútgáfu.

Er dansk ríkið nú komið í greiðsluþrot, og hefur verið ákveðið að stofna þar nýjan banka, ríkisbanka, er skal innleysa hina gömlu seðla (kúrantdalina) með nýjum seðlum. Er ákveðið að menn fái aðeins 1/10 af nafnverði gömlu seðlanna i nýjum seðlum. Sem dæmi um vöruverð hér á landi síðastliðið haust má geta þess, að einn fjórðungur af smjöri var seldur á 6 ríkisdali, sauður kostaði 10 ríkisdali og kýr 60 rd. Nú hefur verðbólgan vaxið enn, og er enginn eins dals bankaseðill tekinn sunnanlands á meira en 5 fiska. Embættismenn og aðrir launamenn, sem ekki hafa annað en peningaseðla fyrir sig að bera, eru svo aðþrengdir, að þeim gengir fullörðugt að afla brýnustu lífsnauðsynja. Eru þess dæmi, að kaupmenn hafa neitað að selja matvælim hafi átt að gjalda með seðlum. 

Fregnir herma, að ráðstafanir ríkisstjórnarinnar um nýja mynt og verðfestingu hennar skuli ekki ná til Íslands óbreyttar. Myntskipti eiga að vísu að koma til framkvæmda hér, en ekki að fullu fyrr en eftir nokkurn tíma, þegar búið er að rannsaka ýmis skuldaskipti undanfarinna ára o. fl. Hinn 13. mai þ.á. var skipuð nefn manna til þess að kanna þessi mál og gera tillögur um þau" *

 

Alveg er þetta makalaust! þessa frétt má sjá í Öldinni sem leið, minnisverð tíðindi 1801-1860 og mun þetta vera frá árinum 1813. Og enn i dag heldur vitleysan áfram og lýðurinn prettaður áfram af bönkum og fjármálmönnum sem þeim stjórna.  Nota þeir til þess peninga og skuldbréfakerfi sem að mér virðist  vera til þess gert að skapa reglulegar kreppur til að mergsjúga almenning og safna völdum og auði i hendur nokkurra manna. Kerfði virðis vera mjög vel til þess falllið ef það er ekki bara hreinlega hugsað til þess í upphafi! Er þetta samsæri fjármálamanna gegn lýðnum gert i þeim tilgangi að treyst enn betur auðmagnið? Spyr sá sem ekki veit.

 

*Gils Guðmundsson, Öldin sem leið. Minnisverð tíðindi 1801-1860 bls. 53

Davíð

Davíð Stefánsson frá Fagraskógi var magnað skáld. Sú mynd á mannlífinu sem birtist i ljóðum Davíðs er oftar en ekki máluð  dökkum litum og ekki hægt að saka hann um léttúð. Hann setur fram á raunsæjan hátt í þá staðreynd að enginn er ómissandi og nýtt tekur alltaf við i ljóðinuö- Einn kemur, þá annar fer- og á vel við i ljósi þeirra umræðu undafarið vegna þeirra sem virðast sitja i embættum í stjórnkerfinu sem ómissandi væru, þrátt fyrir augljósa spillingu og afglöp i starfi

 

Það heldur allur fjöldinn, sem hefur mörgu að sinna,

að hætta sé  á ferðum, ef breytt er gömlum sið,

að gæfa heimsins hvíli á verkum sem þeir vinna,

og vonlaust sé um allt, ef þeirra missti við.

 

Þeir hafa hvorki tíma né tök á þvi að deyja

og treysta ekki á aðra né þeirra háttalag,

en svo fer þó að lokum, að árin bakið beyja

og bægja þeim frá störfum, einn góðan veðurdag

 

Og fæsta þeirra grunar, sem fellur þyngst að hverfa,

hve fáir leggja á minnið að þeir hafi verið til.

Þeir gleyma, hverjir sáðu, sem uppskeruna erfa, 

og æskan hirðir lítið um gömul reikningsskil.

 

Við iðjumannsins starfi tekur annar sama daginn,

og ef hann deyr að kvöldi, tekur næsti maður við.

Lífið yrkir þrotlaust... en botnar aldrei braginn,

en breytir fyrr en varir um rím og ljóðaklið

 

 Kannski að nafni skáldsins í svörtuloftum ætti a hugleiða arfleið sína. 

Brotin ár

Menn fara  með himinskautum i orðavali sínu og skáldlegum tilvísunum i tilefnu þessa fyrirbæris sem kallað er kreppa. "Maður skiptir ekki um hest út í miðri á" er einn frasinn og Jón Sigurðsson fjármálagúru úr Fjármálaeftirlitinu var nánast lýrískur á kastljósinu í kvöld þegar hann sagði alvarlegur í bragði: " maður skiptir ekki um ár i miðjum brimskaflinum"  Það er einmitt.  Við þig, Jón Sigurðsson segi ég: Maður rær ekki með brotinni ár!

ESB og fiskimiðin

Ef við göngum í ESB missum við yfirráð auðlindanna! þessa fullyrðingu er hægt að lesa í fjölda greina eftir lærða sem leikmenn og oftast rakalaust. Ég ætla ekkert að hafa skoðun á því hér hvort einhver breyting kynni á verða á því en staldra frekar við hugtakið "við" í þessu sambandi. Þeir sem óttast svo mikið vald ESB og tilheyra skoflupakkinum einsog ég ættu frekar að segja þið en ekki við. Allavega horfið það þannig við mér, ég kannast ekki við að tilheyra þessum hópi sem gjarnan er nefndur " við sem missum yfirráð " þvi ég á bágt með að missa eitthvað sem ég ekki hef . Hverjir eru þessir Við?. Ekki ég. Ég hef akkúrat enginn yfirráð yfir fiskiveiðiauðlindinni og það þrátt fyrir að hafa starfað sem sjómaður i 20 ár samfellt. Ekki það að það eigi að vera nein ávísun á yfirráð heldur bara ein hlið málsins. Ef einhver sem þekkir sig í þessum hópi sem sagður er hafa yfirráð yfir fiskveiðiauðlindum við Ísland les þetta þá vinsamlega gefðu þig fram. 

þorskinn á evru

Hækka vexti eða lækka vexti ég bara skil ekkert í þessu. Mér skilst að í flestum löndum sé reynt að lækka vexti á sama tíma og hér er verið að hækka vexti sem voru víst mjög háir í samanburði við önnur lönd. 1% í USA en núna 18% hér. En svo er sagt að þetta sé skilyrði fyrir láni hjá alþjóðlegum gjaldeyrssjóði. Svo finnst mér undarleg öll þessi gagnrýni um að aðstoð frá sjóðnum hafi hreinlega eyðilagt efnahag þjóða vegna skilyrða sem sett eru fyrir láni  og eitt þeirra óvinsælu skilyrða mun vera krafa um háa vexti. Getur það verið að það sé markmið sjóðsins að rústa efnahag landa með lánveitingum sínum? Ekki trúi ég því og því er þetta óskiljanlegt fyrir mig. Svo var einnig sagt frá einhverjum löndum sem ekki fóru að kröfum sjóðsins og þar hafi kreppa orðið mun vægari en í þeim löndum sem fóru eftir þeim. En fengu þau lán ef þau fóru ekki að skilyrðum sjóðsins? Hef ekki alveg náð þessu. Ef þau gátu fengið lán án þess að fara að kröfum sjóðsins er það fordæmi og hlytur að vera skoðað. Fá lánið og vera svo óþekk og lækka bara vexti. þetta er frekar barnalegt en ég bara skil ekkkert í þessu. Kannski fengu þau ekkert lán fyrst þau fóru ekki að skilyrðum sjóðsins en hvernig leystu þau málin þá? Eflaust eru aðstæður ólíkar í hverju landi og gerir samanburð flókinn. Það er nú samt verið að bera þetta saman en eitthvað finnst mér þetta loðið. Að taka lán með skilyrðum sem rústa líklega efnahag landsins. En er hann ekki hruninn nú þegar? Ef við gerum ráð fyrir að eitthvað getir hrunið áfram þá skilst mér að það muni örugglega  gerast ef ekki kemur til lán frá sjóðnum og samkvæmt þessu vaxtarugli þá hrynur hann líka ef lánið er tekið. Kannski hefur þetta allt verið útskýrt í fjölmiðlum en ég hef allavega ekki náð því. Af hverju mæltu hagfræðingar einsog t.d. þorvaldur Gylfason og Guðmundur Ólafsson eindregið með láni frá sjóðnum ef það er vitað að skilyrði sem leiða til glötunur fylgja pakkanum næstum örugglega. Var það vegna þess að þeir reikna með þeim möguleika að fá lánið en  fara ekki  eftir skilyrðum um vaxtahækkun? Eða hvernig á að skilja þetta. Hver hefur eiginlega rétt fyrir sér í þessu. Og hvað er málið með þessa krónu? Er það þorskurinn á henni eða hvað? Er ekki bara hægt að slá evrumynt handa okkur með þorski annarri hliðinni og mynd af Davið hinumeginn og allir glaðir? þorskur á báðum hliðum, það væri bara flott. Bravó Davið konungur!

La vita´c bella

þetta er næst besti brandari sem sagður hefur verið i mannheimum, íslenska viðskiftaundrið. Bjarni Ármanns keypti minnir mig einmitt hlut í bankanum fyrir hundrað og eitthvað millur þá nýlega skriðin úr skola. Og aðspurður um hvernig hann fjármagnaði kaupin sagðist hann hafa lagt til hliðar. Góður Bjarni! Ja og fengið gott lán í bankanum líka. Aumingja Bjarni varð að safna fyrir sínum hlut en bankastýran nýja fékk sinn allan á krít. Sem mistókst og hún getur sofið róleg, hún tapaði ekki hlutnum sýnum. Kreppan er yndisleg.

Viðskiptasnilld

Þetta er nú meira sukkið og ruglið, ekki lagast það! Eg er nú oftar og oftar farinn efast um að ég sé að öllum mjalla eða sé að heyra rétt sem sagt er í fréttum! Meira bullið með þessa nýkrýndu bankastýru hjá Glitnir sem vildi kaupa sér hluti í fyrra en mistókst það fyrir einhverja dularfulla sök. Fyrir litlar190 millur eða svo og vissi ekki af þvi fyrr en mörgum mánuðum seinna að viðskiptin fóru aldrei fram, já herna! Hvort maður tæki ekki eftir 190 milljóna greiðsluseðli var auðvitað fyrsta hugsun en svo kom skýringin í næstu setningu, það átti auðviðað ekkert að rukka hana. Borgaðu bara seinna með gróðaðum af fjárfestingunni þinni vina þegar hann fer að streyma inn.  Á að hlæja eða gráta!  Þetta er nátlega bara viðskiptasnilld! Áfram Ísland!

Helvíti

-Heitustu staðirnir í helvíti eru teknir frá fyrir þá sem eru hlutlausir þegar mikið liggur við siðferðislega-

Dande Alighieri f. 1265- d. 1321 

Skrælingjagrátur

Sýn Jónasar á Alþingi 19. aldar og sagan endurtekur sig. Sorglegt en satt: 

Naha, haha!

Báglega tókst með alþing enn,

naha, naha, naha!

það eru tómir dauðir menn.

Naha, naha, nah!

 

það sést ekki á þeim hams né hold,

naha, naha, naha!

og vitin eru svo full af mold.

Naha, naha, nah!

 

Og erkkert þinghús eiga þeir,

naha, naha, naha!

og sitja á hrosshaus tveir og tveir,

Naha, naha, nah!

 

þeir hafa hvorku kokk né pott,

naha, naha, naha!

og smakka hvorki þurrt né vott.

Naha, naha, nah!

 

Og hvergi fá þeir kaffibaun,

naha, naha, naha!

og eru svangir og blása í kaun.

Naha, naha, nah!

 

Og bragða hvorki brauð né salt,

naha, naha, naha!

og þegja allir og er svo kalt.

Naha, naha, nah!

 

þeir deyja aftur úr kulda og króm,

naha, naha, naha!

Og hotlið er grátt og kvölin söm.

Naha, naha, nah! 

 

Jónas Hallgrímsson 

Nafli alheimsins

Ísland er nafli alheimsins um þessar mundir og aðalfréttaefni stærstu fréttastöðva heims síðust daga og vikur. það hlýtur að ylja hjörtum þjóðar sem lengi hefur verið þjökuð af minnimáttarkennd vegna smæðar sinnar og ætið vilja koma Íslandi á kortið einsog sagt er. Og ekki er annað að sjá og heyra en að við séu komin á kortið. Illt umtal er betra en ekker, amen.

En ekki eru allir landsmenn jafn kátir með þessa nyju frægð meðal útlendra og hefur nokkur hópur fólks safnast saman tvo undafarna laugardaga og mótmælt aðgerðum stjórnvalda. Og samkvæmt fréttum heyrði ég að um nokkur hundruð manns væri að ræða ( ca. 500 manns var haft eftir lögreglu laugardaginn 18.10 í fréttum Ruv). Merkileg talnaspeki þar á ferð, ég var þar og fullyrði að hafi aðeins verið 500 manns á umræddum mótmælafundum þá hljóti þjóðin að telja að minnsta kosti 2 milljónir auk þeirra 313.000 sem taldir eru í þjóðskrá. Hvaða hag sér ríkisfjölmiðill og lögregla í þvi að ljúga vísvitandi um fjölda þeirra sem mótmæla spilltum og vanhæfum stjórnvöldum? Ætli það séu sömu snillingar sem telja upp úr kjörkössum hér? Kallar þetta á erlenda eftirlitsmenn til að fylgjast með framkvæmd næstu kosninga hér og talningu atvkæðanna okkar? Eg get ekki séð hverjum er að treysta fyrir þessu batteríi okkar sem kallað er lýðræði þegar vísvitindi er logið og að þvi er virðist til þess að gera sem minnst úr öllu andófi gegn ríkjandi valdi.

En lífið er yndislegt og efnahagskreppan er óðum að losa þessa aumu og hræddu þjóð undan andlegri kreppu undafarinna ára. Lifi byltingin!